Təsisçilər haqqında məlumat

“MCB Lizinq” Qapalı Səhmdar Cəmiyyəti 2009-cu ilin oktyabr ayında qapalı səhmdar cəmiyyəti kimi təsis edilmişdir. Şirkət güclü səhm kapitalına malikdir və səhmlərin əsas hissəsi Pakistan İslam Respublikasında fəaliyyət göstərən “MCB Bank Limited” Şirkətinə və bir qismi isə Azərbaycan Respublikasının vətəndaşı olan fiziki şəxsə məxsusdur. “MCB Bank Limited” Pakistanın böyük “Nishat Group” şirkətlər qrupuna daxildir. Bu şirkətlər qrupuna daxil olan şirkətlər toxuculuq, sement istehsalı, sığorta, maliyyə xidmətlərinin göstərilməsi, elektrik enerjisi istehsalı, kağız istehsalı və digər sahələrdə fəaliyyət göstərirlər.

“MCB Bank Limited” Pakistanın uzun illərdən bəri fəaliyyət göstərən və aparıcı banklarından biridir. Bank 1947-ci il 9 iyul tarixdə təsis edilmişdir. Pakistan Hökumətinin həyata keçirdiyi iqtisadi islahatların bir hissəsi olaraq ölkənin digər özəl bankları kimi “MCB Bank” da 1974-cü ildə milliləşdirilmiş və sonradan 1991-ci ildə özəlləşdirilmişdir. Bank, yarım əsrdən çox müddət ərzində daima yüksələn xətt boyunca inkişaf etmiş, öz fəaliyyətində keyfiyyətli bankçılıq, texnoloji inkişafın son nailiyyətləri, peşəkar idarəçilik, səmərəli və etik çalışma metodologiyalarını tətbiq etməklə rəqabətli və davamlı uğurlara nail olmuşdur.

Bank, Pakistanda fəaliyyət göstərən ən təcrübəli və məsuliyyətli bank kimi tanınır, eləcə də beynəlxalq bazarda tanınan və çalışan çox az sayda yerli maliyyə institutlarından biri olaraq ölkənin qlobal platformalarda təmsil olunmasında əhəmiyyətli rola malikdir.

“MCB Bank” müxtəlif sosial məsuliyyət fəaliyyətlərində fəal iştirak edir, eyni zamanda ölkənin rifahının yaxşılaşmasına töhfə vermək üçün daima səy göstərir. Bank, özünün müştəriyə yönəlmiş hədəfləri vasitəsilə bankçılığın rolu, bu sahədə göstərilən xidmətlərin və texnologiyaların rolunun artmasında böyük rol oynamışdır. “MCB Bank” eyni zamanda dünyanın bir sıra nüfuzlu təşkilatlarının mükafatlarına layiq görülmüşdür, onların arasında “Euromoney”, “World Finance”, “MMT”, “Asia Money”, “SAFA” (SAARC), “The Asset Triple A”, “Finance Asia”, “NFEH”, “CFA”, Pakistan Xeyriyyə Mərkəzi və “The Asian Banker” kimi təşkilatları qeyd etmək olar.

“MCB Bank” haqqında ətraflı məlumatı aşağıdakı internet səhifəsindən əldə edə bilərsiniz https://www.mcb.com.pk

“MCB Lizinq” QSC fəaliyyətə başlayandan Azərbaycan iqtisadiyyatının dövlət infrastruktur layihələri, səhiyyə, istehsal, kənd təsərrüfatı, sərnişin və yük daşımaçılığı və s. sahələrinə AZN 35 mln. manata qədər lizinq verilmişdir ki, bu da təxminən 40 mln. manatdan çox lizinq obyektinin təqdim edilməsi deməkdir.

© 2010 mcbleasing.az - Project by SIICT.net

JoomShaper